Co obxectivo de promover a actividade física, o Servizo de Estilos de Vida e Educación para a Saúde e a Rede Galega de Promoción da Saúde (REGAPS) da Dirección Xeral de Saúde Pública, deseñaron unha proposta para levar a cabo o día 4 de marzo en distintas ubicacións de Galicia. Trátase dun conxunto de andainas dirixidas á poboación xeral acompañadas de mensaxes saudables ao longo do percorrido.
A inscrición nas andainas pretende obter un número aproximado de participantes para xestionar a organización das mesmas. Trátase dunha actividade voluntaria e non inclúe ningún tipo de responsabilidade sobre as persoas participantes. As persoas menores idade deberán estar a cargo dunha persoa adulta responsable.
Estas andainas quedan supeditadas ás circunstancias meteorolóxicas.
